Beskuldig dan die Liefde

Kindle Beskuldig dan die Liefde DIGITAL_BOOK_THUMBNAIL[4]

Daar is ʼn onsigbare band wat dìe verbind wat bestem is om mekaar se paaie te kruis, ongeag van tyd, plek of omstandighede. Die band is tydloos, strek en kan selfs inmekaarstrengel, maar dit kan nooit breek nie.

Hierdie is dan die vervlegde verhaal van Trixie en Pieter, haar jeugvriend en jong boer op hul buurplaas, van haar broer Dirk en Denise, die pragtige jong vrou wat sy voete onder hom uitslaan. Dit is ook die verhaal van Dirk se studentemaat, die teruggetrokke en aantreklike Herman Jansen, en Maryna, beeldskone vriendin van Denise, wat Herman se nuutgevonde vrede en rustigheid agter die muur wat hy so sorgvuldig om homself gebou het, soos ʼn aardbewing tref en inmekaar laat stort.

Trixie is verward en ontsteld toe die gemaklikheid tussen haar en Pieter in ʼn gereelde bakleiery begin ontaard. Hulle is gedurig in mekaar se hare en Pieter is skielik nie meer die maat van haar jeug nie. Hy het ʼn jong man geword, en ʼn baie aantreklike een daarby. Maar dis nie al nie. Hoekom is sy nou so bewus van hom, en so vreemd opgewonde en week as hy naby haar kom? Het hy verander of is dit sy? Pieter verstaan nie hoekom sy skielik so vreemd optree teenoor hom nie, en wat is dit met haar en Herman? Hy besluit om iets aan die saak te doen, want Trixie was nog altyd die een vir hom. Maar dit gaan nie maklik wees nie, want sy is koppig en vol penne soos ʼn ystervark.

Dit is die storie van Dirk, Trixie se begaafde kunstenaarbroer, en die pragtige Denise, die meisie wat sy voete letterlik onder hom uitslaan. Sy besit ʼn boetiek in die stad en een besoek daaraan op sy ma se aandrang sit die bal aan die rol vir die twee wat hul eindelik sal bring tot waar hul paaie kruis met die van Trixie en Pieter op Draaikolk, die Hofmans se familieplaas.

Dis ook op Draaikolk waar die drade van misverstand, seerkry, en die vreemde spanning tussen Herman en Maryna begin ontrafel.

Die liefde laat hom nie keer of aanjaag nie. Die liefde laat hom nie voorskryf nie. En die liefde kies hierdie ses jong mense om homself te volbring.

Die e-boek is beskikbaar by:

http://www.amazon.com/dp/B00KKO6QN6

Advertisements
Leave a comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s