Tag Archive | skakels

Die uitdaging van ‘n reeks

KWIKSILWER (1)

Die uitdaging van ‘n reeks

Om ʼn reeks te skyf is ‘n uitdaging, want die skrywer moet kontinuïteit in gedagte hou. Elke boek in die reeks vertel sy eie storie, maar dit moet tog voortbou op die storie voor hom. Anders as met ʼn alleenstaande boek, moet die skrywer in gedagte hou dat die storie in ʼn reeks na die volgende boek moet lei. Daar moet dus baie noukeurig rekord gehou word van die karakters en die agtergrond waarteen elke boek afspeel. Die volgende boek tel die drade van die een voor hom op en bou voort op die lewens van die karakters wat in die voorafgaande boeke voorgekom het. Daar moet ʼn deurlopende lyn wees wat die reeks aanmekaar verbind hou, al kan mens die boeke afsonderlik lees. Ek sorg maar dat die einde van die een boek die leser prikkel om die volgende een ook te lees.

Tuiste vir my Hart 2          doepa-vir-my-hart

Toe ek Kwiksilwer  begin skryf het, het ek nie geweet dat dit op die Fynbos-reeks sal uitloop nie. Ek het eers aan die einde daarvan besluit dat dit die eerste boek van hierdie reeks sal wees. Kwiksilwer het die grond voorberei en dit het gevra dat ek die storie van die Brandt-familie verder moet vertel. Daar was darem vier broers en een meisiekind, en hulle verhale moes uit.

Ek is baie dankbaar oor die sukses van die Fynbos-reeks waarvan daar reeds vyf boeke die lig gesien het. Kwiksilwer, Tuiste vir my Hart, Doepa vir my hart, Pad na my Hart en Formule vir my Hart verkoop flink in Amazon.com se boekwinkel. Lesers se aanmoediging dui daarop dat ek moet voortbou daaraan.

pad-na-my-hart-1        formule-vir-my-hart-1

Ek het reeds begin werk aan die sesde storie, Visioen van my Hart. Hierdie boek vra veel van my en die uitdaging hier is groter, maar my voorneme is om dit te voltooi sodra die ‘manne in die basement’ (my onderbewussyn) gereed is met die storie.

Die Fynbos-reeks is nie my eerste probeerslag nie. Ek het reeds drie reekse geskryf. My eerste reeks het bestaan uit twee Engelse boeke, The Road to Eden en Oak Seed. Dit was deel van die Oak Seed-reeks.

RomanceCollection        The Road to Eden Kindle        Oak Seed Cover Fiverr Rachelle_du_Bois_1b

Daarna het ek die Faktor-reeks geskryf wat op hierdie stadium twee fantasieë insluit – Die Vita Faktor en Die Lucerna Faktor.

die-faktor-fantasie-reeks

Gaan loer gerus by die skakel Kortpad na Romanse bo aan die bladsy, of kyk regs. Jy sal al my boeke daar kry met die skakels na die winkel toe. Ek hoop jy sal dit lees en kommentaar lewer daarop.

Jou aanmoediging is vir my goud werd.

 

Lekker gesels

Rachel 3 20140913_114541

Dis altyd vir my lekker om oor my skryfwerk te gesels en ek was bevoorreg om saam met Leoni Benghiat van SA Vryskutskrywers te kuier rondom ‘n spreekwoordelike skryftafel. Die voordeel van so ‘n geselsie is dat mens weer ‘n slag die sluise van herinnering ooptrek en al die mooi dinge onthou saam met iemand wat werklik belangstel.

Gaan lees gerus die onderhoud met SA Vryskutskrywers op hul nuutste nuusblad by http://bit.ly/2dbFzuF . Daar is genoeg nuus en interessanthede vir voornemende skrywers.

‘n Wonderwerk het gebeur

Dit verskaf vir my soveel vreugde om by enige van ons groot boekwinkels se webwerf te gaan soek na my e-boeke en hul daar te vind. Netjies onder mekaar staan hul daar en glimlag vir my. En ek glimlag soos ‘n idioot terug. Ek glimlag nie net nie; nee, ek sit gemaklik terug in my skryfstoel en verlekker my in hoe mooi hul almal lyk. Ek weet vandag hoe dit voel om (so effentjies) die vrug van jou arbeid te sien. Die proe sal nog kom; ek glo dit onwrikbaar.

Jy kan solank gaan loer by Takealot (voorheen Kalahari.com), Leserskring, Leisure Books, eReads SA, myAfrikaans, Kwarts Publishers en jy sal selfs vir MARI  by Kobo Books vind. By Amazon.com sal jy al my boeke vind.

Al my boeke is nog nie by alle winkels te kry nie, maar jy behoort ‘n goeie versameling by die winkels bo te vind. My drie Engelse boeke is reeds in Suid-Afrika beskikbaar by eReads SA by hierdie skakels:

Destined to Love: http://ereads.co.za/product/destined-to-love/

The Road to Eden: http://ereads.co.za/product/the-road-to-eden/

Oak Seed: http://ereads.co.za/product/oak-seed/

Met my elfde boek, Skat van die Seerower, so op die hond se stert, kan ek regtig sonder voorbehoud sê dat ek baie hard gewerk het die afgelope twee jaar, maar dat ek tevrede is met dit wat ek gedoen het. Die groot toets lê natuurlik by die lesers. Dis julle wat my lot as skrywer sal bepaal.

Ek sluit dus af met die pleidooi dat jul die insetsel hieronder sal lees en dat jy vir elke boek wat jy lees, ‘n kort resensie skryf op Twitter, Facebook, Amazon, of op die skrywer se webblad. Twee sinne is genoeg, of meer as jy so voel.

Ek pleit nie net vir my nie, maar vir alle skrywers wat so afhanklik is van die lesers se terugvoer.

11752571_10155866090970722_272654106127386564_n